13. júní 2024
Fyrstu kjarasamningarnir á opinberum markaði undirritaðir
Á öðrum tímanum í nótt undirritaði Starfsmannafélag Kópavogs ásamt 10 aðildarfélaga BSRB og Sambands íslenskra sveitarfélaga nýjan kjarasamning. Samið var á sambærilegum nótum og á almennum markaði í vor, samningurinn felur í sér sambærilegar launahækkanir og gildir frá 1. apríl 2024 til 31. mars 2028. Félögin sem samningurinn nær til eru:
- Kjölur – stéttarfélag starfsmanna í almannaþjónustu
- Félag opinbera starfsmanna á Austurlandi
- FOSS - stéttarfélag í almannaþjónustu
- Sameyki - stéttarfélag í almannaþjónustu
- Starfsmannafélag Garðabæjar
- Starfsmannafélag Húsavíkur
- Starfsmannafélag Hafnarfjarðar
- Starfsmannafélag Mosfellsbæjar
- Starfsmannafélag Kópavogs
- Starfsmannafélag Suðurnesja
- Starfsmannafélag Vestmannaeyjabæjar
Samninganefndir Sameykis og ríkisins undirrituðu í gærkvöld nýjan kjarasamning sem er sá fyrsti sem gerður er á opinberum markaði í þessari kjaralotu. Gildistími samningsins er frá 1. apríl 2024 til 31. mars 2028.
Í kjölfarið gengu samninganefndir Sameykis og Reykjavíkurborgar einnig frá kjarasamningi á grunni sömu forsenda.
Nýir kjarasamningar verða kynnti félagsfólki Starfsmannafélags Kópavogs á næstu dögum.
Nú þegar fyrstu kjarasamningar á opinberum markaði hafa verið undirritaðir standa vonir til að lokið verði við gerð fleiri samninga á næstu dögum. Kjarasamningar hjá meginþorra félagsfólks aðildarfélaga BSRB hafa verið lausir frá 1. apríl 2024.