Annað í boði

Starfsmannafélag Kópavogs (SfK) býður virkum félögum upp á Orlof að eigin vali, þar sem hver og einn getur nýtt styrk sinn til að skipuleggja frí samkvæmt eigin áhuga og þörfum. Þetta fyrirkomulag veitir aukið frelsi og sveigjanleika þegar kemur að vali á orlofskosti.

Félagsfólki býðst að kaupa gjafabréf í flugferð með Icelandair með afslætti sem er niðurgreiddur af SfK, gegn punktafrádrætti. Gjafabréfið gildir sem greiðsla upp í fargjald í beinu áætlunarflugi til allra áfangastaða Icelandair, innanlands sem utan. Félagar eiga rétt á allt að 7 kortum á 12 mánaða tímabili. Því er hægt að skipuleggja ferðalagið á lægra verði.

Ferðaávísun er inneign, sem þú getur notað til að greiða fyrir gistingu hjá einhverjum af fjölmörgum samstarfsaðilum okkar. Þú ert ekki skuldbundinn til að nota ávísunina á tilteknu hóteli/gistiheimili, eftir að hún hefur verið keypt. Upphæðina getur þú notað hjá hvaða samstarfsaðila okkar sem er. 

Starfsmannafélag Kópavogs (SfK) býður félagsfólki sínu að kaupa Útilegukortið 2026 á sérkjörum. Kortið veitir aðgang að fjölda tjaldsvæða víðs vegar um landið og er frábær leið til að ferðast um landið á hagkvæman og sveigjanlegan hátt.

Starfsmannafélag Kópavogs (SfK) býður félagsfólki sínu að kaupa Veiðikortið 2026 á sérkjörum. Kortið veitir aðgang að fjölmörgum vötnum víðs vegar um landið og er frábært fyrir þau sem vilja njóta náttúrunnar og stunda stangveiði á einfaldan og hagkvæman hátt.

Félagsmenn njóta veglegra tilboða og sérkjara hjá fyrirtækjum og samstarfsaðilum víða um land. Gildir aðeins gegn framvísun félagsskírteinis (Íslandskortsins) eða staðfestingu á félagsaðild.