Fræðsluaðilar

Starfsmannafélag Kópavogs niðurgreiðir námskeið fyrir sitt félagsfólk svo það geti aukið við þekkingu sína, hæfni og sjálfsöryggi. Hvort heldur sem um ræðir námskeið í margvíslegri tölvuþekkingu, kennsla á notkun gervigreindar, sjálfsrækt, tungumálakunnáttu og margt fleira, eða námskeið sem eru bein fræðsla um kjaramál þá fer skráning fram á síðum viðkomandi fræðsluaðila hér fyrir neðan. 

Í skráningarferlinu er beðið um að skrá viðkomandi stéttarfélag SfK og námskeiðið hefst svo þér að kostnaðarlausu.

Félagsmálaskóli Alþýðu

• Sameiginleg fræðslustofnun verkalýðshreyfingarinnar á Íslandi og hefur starfað í áratugi við að efla þekkingu, færni og samstöðu launafólks.
• Skólinn býður fjölbreytt námskeið fyrir trúnaðarmenn og aðra félagsmenn sem vilja auka skilning sinn á réttindum, vinnumarkaði og samfélagsmálum.
• Markmiðið er að styrkja fólk til að standa vörð um réttindi sín og annarra, bæði á vinnustað og í samfélaginu.

Fræðslusetrið Starfsmennt

• Starfsmennt er fræðslusetur fyrir opinbert starfsfólk og opinberar stofnanir. Hlutverk Starfsmenntar er að bjóða opinberu starfsfólki aðgang að starfs- og símenntun til að efla hæfni sína og auka öryggi í starfi. Einnig aðstoðar Starfsmennt opinberar stofnanir við ýmis mannauðstengd málefni. Þjónusta Starfsmenntar er án endurgjalds fyrir ákveðna hópa þar sem samið hefur verið um greiðslur annað hvort í kjarasamningum eða samstarfssamningum við sjóði.

   

  Þjónusta við einstaklinga

• Aðgangur að fjölbreyttum námskeiðum og námi bæði innan framhaldsfræðslu og framhaldsskóla.
•  Samtal við náms- og starfsráðgjafa til að ræða ýmsar leiðir til starfsþróunar.

• Ferða- og dvalarstyrkir eru í boði fyrir ákveðna hópa sem þurfa að sækja nám eða námskeið utan sinnar heimabyggðar.

   

  Þjónusta við stofnanir

• Aðstoð við að greina fræðsluþarfir og hæfnikröfur starfa.
• Aðstoð við að setja upp fræðsluáætlun og koma henni í framkvæmd.
• Spjall um ýmis konar mannauðstengd málefni.