Starfsmannafélag Kópavogs býður upp á fræðsluerindi um ADHD, taugafjölbreytileika og kvíða þann 27. maí n.k. kl. 19:00-20:00 á aðalhæð Bókasafns Kópavogs.
Í nýlegri könnun sem Starfsmannafélag Kópavogs lagði fyrir félagsfólk kom skýrt fram að mikill áhugi er á fræðslu sem tengist geðheilsu, taugafjölbreytileika og leiðum til að takast á við álag í daglegu lífi og starfi. Erindið um ADHD, taugafjölbreytileika og kvíða er því haldið til að bregðast við þeirri eftirspurn og skapa vettvang fyrir aukinn skilning, fræðslu og opna umræðu um málefni sem snerta sífellt fleiri – bæði á vinnustöðum sem og í samfélaginu almennt.
Jóna Kristín Gunnarsdóttir, verkefnastjóri fræðslumála ADHD samtakanna, verður með erindið.
Hægt er að skrá sig hér á hnappnum fyrir neðan.