Í dag hófst herferð á vegum BSRB, Félags íslenskra hjúkrunarfræðinga og Kennarasambands Íslands gegn fyrirhuguðu afnámi áminningarskyldu.
Afnám áminningarskyldu felur í sér verulega skerðingu á réttindum opinbers starfsfólks og gæti haft víðtæk áhrif á vinnumarkaðinn. Fjármálaráðherra hefur þegar mælt fyrir frumvarpi um breytingarnar og hafa sveitarfélög einnig kallað eftir sambærilegum heimildum.
Mikilvæg vernd fyrir starfsfólk
Áminningarskylda tryggir að starfsfólk fái raunhæft tækifæri til að bæta frammistöðu sína áður en gripið er til uppsagnar. Hún er lykilþáttur í réttlátri málsmeðferð og vernd gegn geðþóttaákvörðunum.
Ef hún verður afnumin gæti starfsfólk misst þetta úrbótatækifæri og verið sagt upp án fyrirvara, sem eykur hættu á ósanngjörnum uppsögnum og veikir starfsöryggi.
Rangar áherslur í ljósi stöðunnar
Á sama tíma og opinberir vinnustaðir glíma við manneklu, aukið álag og vaxandi veikindi starfsfólks, beinast tillögur stjórnvalda að því að einfalda uppsagnir. Sú nálgun tekur ekki á rót vandans.
Reynslan sýnir að í mörgum tilfellum tengjast áminningar ekki eingöngu frammistöðu einstaklings, heldur einnig skipulagi vinnu, upplýsingaflæði og álagi. Starfsfólk bregst í flestum tilvikum við og bætir sig þegar því er gefinn kostur á því.
Afturför í réttindum
Verði breytingarnar að veruleika mun ráðningarvernd á Íslandi veikjast og færast fjær því sem þekkist á Norðurlöndum. Hér er því um að ræða skref aftur á bak sem eykur valdaójafnvægi á vinnumarkaði.
Kall eftir afturköllun frumvarps
SfK tekur undir kröfur BSRB og annarra bandalaga um að frumvarpið verði dregið til baka. Brýnna er að stjórnvöld beini sjónum að því að bæta starfsaðstæður, draga úr álagi og styrkja aðdráttarafl opinberra starfa.
- sendum stjórnvöldum áminningu!
Nánari upplýsingar má finna á